بە ڕاپۆرتی ئاژانسی هەواڵی مێهر، سروە محمد ڕەشید پەرلەمانتاری عێراقی پێداگری کرد کە کۆنترۆڵ کردنی توخمە تیرۆریستییەکانی سەر بە ڕژێمی جۆلانی بەسەر هەندێک دەروازەی سنووریی سووریا لە نزیک عێراق هەڕەشەیەکی ئەمنی ڕاستەوخۆیە بۆ سەر ئەو وڵاتە.
ئاماژەی بەوەشکرد: زیادبوونی دەسەڵاتی گرووپە تیرۆریستییەکان لە سووریا و هەژموونیان بەسەر هەندێک دەروازە سنوورییەکان، زەمینە بۆ دزەکردنی ئەو توخمانە بۆ ناو خاکی عێراق دروست دەکات.
ڕەشید جەختی لەوەشکردەوە: پێویستە حکومەتی عێراق ڕێوشوێنی خێرا بگرێتەبەر بۆ بەهێزکردنی ئاسایش لە ناوچە سنوورییەکانی ئەو وڵاتە لە نزیک سووریا.
ڕاشیگەیاند: لە قۆناغی ئێستادا پێویستە هەماهەنگی ئەمنی نێوان دامودەزگاکانی عێراق زیاد بکرێت بۆ ئەوەی ڕووبەڕووی هەر مەترسییەک ببنەوە.
پێویستە بگوترێ کە شەڕ و پێکدادانی چەکداری لە سووریا لە نێوان ڕژێمی جۆلانی و هێزە کوردییەکانی ناسراو بە (هەسەدە) بووەتە هۆی ئەوەی کە ژمارەیەکی زۆر لە توخمەکانی داعش لە زیندانەکانی ئەو وڵاتە هەڵبێن.
Your Comment